প্ৰকল্প
সদ্ভাৱনা প্ৰকল্প
সদ্ভাৱনা প্ৰকল্প হৈছে পুৰণি ফাইলসমূহৰ ক্ষিপ্ৰ নিষ্পত্তিৰ দিশত অসম চৰকাৰৰ এক অভিলাষী পদক্ষেপ। ১০মে', ২০২১ ৰ পূৰ্বৰ আধৰুৱা হৈ থকা সচিবালয়ৰ ফাইলসমূহ দ্ৰুত গতিত সমাধা কৰাৰ লক্ষ্য নিৰ্ধাৰণ কৰা হৈছে। চৰকাৰৰ লোকসেৱা অধিকাৰ প’ৰ্টেল rtps.assam.gov.in অথবা সদ্ভাৱনা প’ৰ্টেল Sadbhavana.assam.gov.in ৰ জৰিয়তে নিষ্পত্তি নোহোৱাকৈ থকা ফাইলসমূহৰ নিষ্পত্তি ২০২২ চনৰ ১৪ আগষ্টৰ ভিতৰত সম্পন্ন কৰা হৈছে।
মিছন ভূমিপূত্ৰ
মিছন ভূমিপুত্ৰ' এক অভিযান ভিত্তিক আঁচনি-- যাৰ জৰিয়তে অনুসূচিত জাতি, অনুসূচিত জনজাতি আৰু অন্যান্য পিছপৰা শ্ৰেণীৰ আবেদনকাৰীসকলক সৰলীকৃত পদ্ধতিৰে জাতিৰ প্ৰমাণপত্ৰ প্ৰদান কৰা হ'ব। নৱমৰ পৰা দ্বাদশ শ্ৰেণীলৈ অধ্যয়নৰত যোগ্য ছাত্ৰ-ছাত্ৰীসকলক জাতিগত প্ৰমাণপত্ৰ প্ৰদানৰ প্ৰক্ৰিয়াটো সম্পূৰ্ণৰূপে অনলাইন ব্যৱস্থাযোগে সম্পাদন কৰিবলৈ এই পদক্ষেপ গ্ৰহণ কৰা হৈছে। ইয়াৰ বাবে প্ৰস্তুত কৰা bhumiputra.assam.gov.in ৱেবছাইটত আবেদনকাৰী ছাত্ৰ-ছাত্ৰীসকলক ডিজিটেল মাধ্যমেৰে চহী কৰা জাতিগত প্ৰমাণপত্ৰ প্ৰদান কৰা হ'ব। ইয়াৰ অধীনত উপায়ুক্তসকলে বিদ্যালয়ৰ মুৰব্বীৰ পৰা ছাত্ৰ-ছাত্ৰীসকলৰ আবেদন সংগ্ৰহ কৰি এই ৱেব প’ৰ্টেলৰ মাধ্যমেৰে সেইসমূহ প্ৰ'চেছ কৰিব। ছাত্ৰ-ছাত্ৰীসকলৰ জাতিৰ চিনাক্তকৰণ বা অনুমোদনৰ ক্ষেত্ৰত বিভিন্ন জাতি-জনগোষ্ঠীৰ যিসমূহ সংস্থা আছে সেইসমূহে উপায়ুক্তগৰাকীক সহায় কৰিব।
মিছন বসুন্ধৰা
মোৰ মাটি মোৰ অধিকাৰ
ৰাজহ আৰু দুৰ্যোগ ব্যৱস্থাপনা বিভাগৰ সেৱাসমূহ জনসাধাৰণৰ বাবে সহজলভ্য কৰাৰ এক অভিলাষী অভিযান হৈছে " মিছন বসুন্ধৰা"।